Maqedonia me shifra të larta, 9 të vdekur e 150 infektime të reja

Nëntë persona kanë humbur jetën nga Covid 19 në Maqedoninë e Veriut dhe 150 raste të reja janë konfirmuar me koronavirus këtë të shtunë.

Gjatë 24 orëve të fundit në këtë shtet janë bërë 1.086 testime dhe janë regjistruar 150 raste të reja, nga të cilat 93 janë në Shkup, 7 Kumanovë, 3 Shtip, 4 Prilep, 12 Tetovë, Strugë 3, Manastir Negotinë dhe Koçani nga 1, Ohër 9, Kërçovë 8 dhe Resnjë 5.

Ndërkohë që kanë humbur jetën 9 persona, gjashtë nga Tetova dhe tre nga Shkupi.

Maqedonia e Veriut është një ndër vendet më të prekur nga koronavirus në Ballkan, ku deri më tani ka 3.393 raste aktive me koronavirus, ndërsa që nga fillimi i epidemisë janë diagnostifikuar 5.906 persona, prej të cilëve 2.236 persona janë shëruar dhe 277 persona kanë humbur jetën.