Stresi festoi ditëlindjen me shampanjë dhe fishekzjarre, Keisi shijon rrezet e diellit
Sot Arkimed Lushaj i njohur me emrin e artit Stresi feston ditëlindjen.
Por festimet ai i ka nisur që mbrëmjen e djeshme sapo ora ka shënuar 12 pas mesnates.
Në videon e publikuar nga ai shihet se ai e ka festuar mes miqve ndërsa në sfond dallohen fishekzjarret dhe shampanja e derdhur lum.
“Vetem Zoti e di sa jam i Gezuar ”- ishin fjalët e reperit krahas fotos nga festa, ku duket torta e ditëlindjes dhe numri 33.
Mirëpo, teksa nuk ka mbetur njeri pa e uruar, i vetmi urim që nuk pamë rreth e rrotull ishte ai i Keisit.
Ajo dhe Stresi i dhanë fund marrëdhënies së tyre pak kohë më parë dhe duket se ende nuk janë pajtuar.
Akoma nuk dihet arsyeja e ndarjes së çiftit, megjithatë ata nuk ndiqen më në Instagram.
Teksa Stresi përgatitej për ditëlindjen, Keisi shijonte rrezet e diellit në Kanada, duke mos e vrarë aspak mendjen ç’po ndodh me ish-in e saj.