EMRI/ Era rrëzon pemën, humb jetën në vend 71-vjeçari në Gjirokastër

Një ngjarje e rëndë është shënuar pak minuta më parë në qytetin e Gjirokastrës.

Koha e keqe me erëra të forta kanë rrëzuar një pemë, e cila i ka marrë jetën 71-vjeçarit Gëzim Sokolli.

Sipas asaj që raporton gazetari i Syrit, i moshuari ka pësuar infrakt teksa mblidhte degët e thyera të pemës që kishte bllokuar rrugën.

Pavarësisht ndihmës së shpejtë, 71-vjeçari nuk është mundur të mbahet në jetë.