Marrëveshja/ Reagon Rama: Mbaroi edhe revolucioni
Edhe kryeministri Edi Rama reagoi pas arritjes së marrëveshjes për Reformën Zgjedhore.
Ai shkroi se e rëndësishme është që Lulzim Basha dhe PD do futen në zgjedhje.
“Pas 3 vjetësh marshim e 3 netësh ngujim na sollën fjalën e fundit: "Mirë e kishim ashtu siç e kishim".
Po mirë, unë kam menduar e mendoj që ka edhe më mirë, po meqë LBPD janë të kënaqur me kaq për zgjedhjet e ardhshme, bujrum, si ta duan ata.
Rëndësi ka që: LBPD do hyjë në zgjedhje me Kodin Zgjedhor siç e deshën vetë.
OHIR është dakord që kjo nuk e cenon lirinë e zgjedhjeve.
BE është e kënaqur, Shqipëria s'ka më pikëpyetje në prag të vendimit për datën e nisjes zyrtare të negociatave.
Ah po, mbaroi edhe revolucioni,” shkruan Rama.