FOTO/ Krimi i rëndë tronditi Vlorën, kush është 25 vjeçari, viktimë e atentatit mafioz
Një ngjarje e rëndë është shënuar pas mesnatësnë Vlorë . Një 25 vjeçar është ekzekutuar më plumba kallashnikovi.
Ai mësohet se është djali i një mjeku të njohur në qytetin bregdetar.
I riu është goditur nga një distancë e afërt, nga persona qe udhetonim me një automjet 'BMW' me targa greke qe është gjendur e shkrumbuar nga flakët në lagjen '10 Korriku' në Vlorë.
Në brendësi të saj është gjendur e djegur një armë kallashnikov e shkrumbuar nga flakët e cila është përdorur gjatë atentatit.
Vendi ku u gjet automjeti i djegur, në një lagje me rrugica të ngushta, pa ndriçim, gjë që bën të vështirë identifikimin e autorëve.
I riu Kristian Breshanaj ka marrë 5 plumba në trup që i kanë sjellë dhe vdekjen.
Policia gjatë natës ka shoqëruar 14 persona në cilësinë e dëshmimtarëve okular.
Grupi hetimor nën drejtimin e Prokurorisë vijon punën për grumbullimin e çdo prove të vlefshme me qëllim zbardhjen e rrethanave të ngjarjes, identifikimin dhe kapjen e autorit/ëve./
/SYRI.net