T’i harrojmë fondet e BE-së/ Manovra e Veliajt dhe paralajmërimi i ekspertit
Gazeta gjermane, Tages Zeitung shkruan se Teatri Kombëtar kaloi në pronësi të Bashkisë së Tiranës me një qëllim të caktuar.
Për shkak se Ministria e Kulturës është e përfshirë në traktetet europiane për mbrojtjen e pasurive kulturore, krimin e mori përsipër Erion Veliaj.
Po a do i hedhin sytë BE-së me këtë manovër, duke shkatërruar një pasuri kulturore?
Duket një manovër qesharake. Kjo për shkak se Europa Nostra, e cila e kishte shpallur monument të mbrojtur Teatrin Kombëtar, ka reaguar maksimalisht dhe ka alarmuar drejtuesit më të lartë të BE-së.
Pedagogu i Oksfordit, historiani dhe eksperti i rajonit, James Pettifer shkruan se Shqipëria do i harrojë tani fondet e BE-së.
“Shqipëria- çfarë kohe e tmerrshme për t’u ndarë me fondet e BE-së për monumentet,” shkruan ai.
Ndërkohë, eurodeputetët e ndryshëm kanë paralajmëruar se ky vendim mund të rrezikojë të gjithë perspektivën europiane të Shqipërisë, duke bllokuar nisjen e negociatave.