Drejtori sportiv i Laipzig, Markus Krosche mohon marrëveshjen me Milot Rashicën
Markus Krosche ka mohuar zërat se Laipzig tashmë kishte arritur akordin për trasnferimin e sulmuesit të Werder Bremen, Milot Rashicën.
Në mediat gjermane “Bild”, ditën e sotme qarkulloi lajmi se Rashica kishte arritur akordin paraprak me klubin e gjerman, por po në këtë media doli dhe lajmi i përgënjeshtrimit.
“Miloti është një futbollist interesant. Por ka dhe futbollistë të tjerë më interesantë. Si gjithmonë ne shqetësohemi për të ardhmen e skuadrës. Gjithsesi ne jemi të përqendruar te rifillimi i kampionatit për momentin,” deklaroi Krosche për “Bild”.
Milot Rashica ka zhvilluar një sezon shumë të mirë me Werderin dhe ka tërhequr vëmendjen e shumë klubeve të rëndësishme ndër të cilët edhe Liverpooli, por mbetet të shihet se çfarë do behët deri në verë.