Mesude mëson lidhjen e fshehtë të Kemalit me Nazanin, nesër në ‘Lule të vetmuara’

Meral vjen në vete pasi humbi ndjenjat. Ajo është e tronditur nga e vërteta që ka mësuar për nënën e saj. Seher shkon në konvikt dhe përballet me Nerimanin. Kjo e fundit e përzë Seherin kur e sheh të transformuar në pamje.

Mesude e kap Kemalin duke ndërruar kartat e telefonit dhe dyshon se ai flet me dikë tjetër. Meral rikthehet në konvikt dhe përballet me të ëmën. Meral e fëlliq të ëmën para shoqeve dhe i tregon atyre punën që bën ajo.

Mesude arrin t’i marrë kartën e telefonit Kemalit dhe telefonon Nazanin. Nazan mëson se pas shantazheve fshihet Kemali. Seher i lutet Meralit ta falë por ajo nuk pranon. Vajzat i kërkojnë Meralit të tregohet e arsyeshme sepse nuk e dinë çfarë arsye ka pasur Seher që ka përfunduar në atë punë.

Seher i tregon Ferides të shkuarën e saj të dhimbshme. Mesude mendon se Kemal dhe Nazan kanë një lidhje të fshehtë. Nazan tani që ka mësuar të vërtetën e gënjen Mesuden. Defne akuzon Xhemren për vdekjen e Gokhanit dhe e kërcënon se do ja shkatërrojë jetën.

Meral kërkon të marrë mbrapsht paratë e bursës për t’ja kthyer Seherit por kjo është e pamundur. Defne tregon para klasës se Xhemre bastisi shtëpinë e saj me armë. Xhemre zihet me Defnen dhe Serkanin.

Nazan i kërkon Mesudes t’i japë diskun që fsheh Kemali. Vajzat vendosin të punojnë për të fituar para në mënyrë që të ndihmojnë Seherin për të kthyer borxhin. Songyl shet sanduiçë në rrugë dhe përballet me nënën e Gynejit e cila e përçmon./revistawho