Georgina në hapin e Ronaldos, nismë bamirësie për të luftuar Covid-19
20:41, 09/05/2020
Georgina Rodriguez është pjesë e një nisme bamirësie për të ndihmuar në “luftën” kundër koronavirusit.
Në një postim në rrjetet sociale, e dashura e Ronaldos ka lajmëruar se do të nxjerrë në shitje mes veshjeve dhe produkteve të tjera edhe një fanellë të Juvetusit të firmosur nga “ylli” portugez.
E gjitha kjo do të bëhet për tu ardhur në ndihmë personelit shëndetësor spanjoll në luftën ndaj COVID-19.
“Po kalojmë një moment të tmerrshëm. Në spitale, infermierët, mjekët dhe i gjithë personeli shëndetësor dhe pacientët kanë nevojë për ndihmën tonë. Spanja po vuan shumë për shkak të pandemisë dhe për këtë arsye dua të jap një dorë. Jam përgatitur për të nxjerrë në shitje katër veshje shumë të lezetshme si dhe një objekt shumë të veçantë … Një fanellë të Juventusit, e firmosur nga CR7. Të gjitha të ardhurat që do të fitoj nga shitjet, do t’i dhuroj për spitalet spanjolle për të luftuar COVID-19. Faleminderit shumë që jeni pjesë e një projekti kaq të rëndësishëm për mua”, shkruan Georgina.