Rifillimi i sezonit në Serie-A - Sot merret një vendim i rëndësishëm

Ditën e sotme qeveria italiane pritet të qartësojë gjithçka për stërvitjet në grupe nga ana e ekipeve të Serie A.

Burimet e shumta pohojnë se ndryshimet në protokollin mjekësor arritën të bindin komitetin shkencor se lojtarët mund të kthehen në stërvitje.

Italia lehtësoi masat këtë javë dhe shumica e skuadrave të Serie A janë rikthyer në stërvitje, megjithëse respektuan distancën sociale.

Hapi tjetër, do të jetë lejimi i stërvitjeve në grup, përfshirë edhe kontaktin fizik, nga e hëna, 18 maj.

Për të mbrojtur më mirë lojtarët dhe familjet e tyre, skuadrat do të qëndrojnë të izoluar në klub për rreth dy javë.