Xhemre çmendet pas vdekjes së Gokhanit, të hënën në ‘Lule të vetmuara’

Zejno nxit sherr me vajzat e konviktit duke i kujtuar faktin që ato janë jetime. Songyl zihet me Zejnon e cila nuk pendohet aspak për fjalët e saj. Neriman i del në mbrojtje Zejnos dhe kjo e lëndon më shumë Songylin.

Meral dhe Seher nisin një jetë të re në shtëpinë e tyre. Nënë e bijë janë shumë të lumtura që më në fund janë bashkë. Xhemre përjeton haluçinacione dhe mendon se Gokhan nuk ka vdekur. Ejlyl shqetësohet për gjendjen e Xhemres kur mëson se ajo ka haluçinacione.

Feride ofendohet nga Topraku i cili mendon se ajo ka shtuar kile. Feride vendos të mbajë dietë kur kupton që Topraku kishte të drejtë. Ejlyl i kthen telefonin Serkanit dhe i thotë se nuk mund të jetë e lidhur me dikë që nuk e beson atë.

Songyl dhe Gynej përpiqen të bashkojnë Ejlylin dhe Serkanin por përfundojnë duke bërë sherr vetë. Kemal i bën poezi Mesudes dhe i kërkon falje. Mesude nuk e fal Kemalin. Xhemre, Ejlyl dhe Defne vihen në kërkim të autorit që shkaktoi aksidentin e Gokhanit./revistawho