Në 60-vjetorin e lindjes, Agron Llakaj merr urimin prekës nga e bija: Dua t’i falem Zotit që jam gjaku yt e ti je Ati im
Aktori i njohur, Agron Llakaj, feston sot 60-vjetorin e lindjes. Me një karrierë të gjatë në skenë, ai është kthyer në një nga artistët më të dashur të publikur. Në ditën e lindjes, nuk kanë munguar urimet e shumta nga miq, kolegë por vëmendjen e ka marrë ai i vajzës së tij, e cila me siguri i ka përlotur të gjithë me dedikimin prekës.
“NGA ALKIDA/ Anë e mbanë botës do të vrapoja me një frymë për të mbledhur në buqetë urimet më të bukura që ekzistojnë dhe të t’i dhuroja sot ty babush në 60 vjetorin e lindjes….do të rendja edhe këmba-dorës pa u lodhur, ashtu si dikur fëmijë 2 vjeç rendja vrullshëm e me zemrën që me dilte vendit nga gëzimi, sapo dëgjoja derën të hapej e ti të vije nga Tirana e largët për të gëzuar pak ditë me ne…
Por sot babushi im s’mundemi t’a festojmë ashtu siç kishim thurrur plane pa fund sëbashku, distancën nuk e kemi më kilometrike por sociale????
Me shpresën se ditë më të bukura do të vijnë dhe ne do të festojmë të gjithë bashkë ditëlindje pa fund deri në ditëlindjen e tënde të 100!!!
Nuk gjej fjalë mjaftueshëm për të të shprehur gjiiiiithë çfarë kam në zemrën qe ende me del vendit për ty;
nuk gjej fjalë mjaftueshëm të të falenderoj për gjithë sakrificat e tua deri në vetëmohim;
nuk gjej dot fjalë mjaftueshëm të të them sa krenare jam për njeriun mrekulli që je ti…
Sot dua si për çdo ditë t’i falem Zotit që jam gjaku yt e ti je Ati im!
Gëzuar ditëlindjen e 60 babushi im!??”, shkruhet në dedikim e vajzës së aktorit.
Ai ka marrë një urim special edhe nga Romeo dhe Donald Veshaj, të cilët e kanë treguar shpesh vlerësimin për artistin e njohur.
Edhe pse në një situatë të vështirë prej pandemisë, këto urime duhet ta kenë bërë mjaft të bukur ditën për Llakajn.