‘Tender shokut të burrit’/ Paloka-Xhaçkës: Sot duhej të ishe në prokurori

Nënkryetari Edi Paloka ka reaguar në emër të PD-së pas deklaratës së ardhur nga Olta Xhaçka.

‘Asnjë përgjigje për pyetjet më të thjeshta të mundshme: Pse tenderi iu dha një kompanie kompjuterash?’, shkruan Paloka në faqen e tij në Facebook.

Më tej, nënkryetari i PD-së shkruan se hetimet propoganistike janë të pavlera.

‘Sot Olta Xhacka nuk do të ishte në zyrë duke shkruar hartime apo duke i dhënë tendera shokëve të burrit’, shkruan Paloka më tej.

Reagimi i plotë i Edi Palokës:

Propagandë, propagandë, propagandë. Asnjë shpjegim nga Olta Xhaçka për tenderin e paracaktuar të ushqimeve.

Asnjë përgjigje për pyetjet më të thjeshta të mundshme: Pse tenderi iu dha një kompanie kompjuterash?

Si u informua Olta Xhaçka që kompania e kompjuterave 6 ditë para tenderit ishte regjistruar dhe si kompani ushqimesh?

Pse tenderi për rezervat e shtetit u vonua gati një muaj nga shpërthimi i epidemisë?

Olta Xhaçka ua ka këtë borxh shqiptarëve. Ajo nuk mund të ‘trimërohet’ nga mungesa e veprimeve të deritanishme të SPAK. Hartimet propagandistike janë të pavlera.

Në çdo vend të botës, me drejtësi të pavarur dhe në shërbim të qytetarëve, sot Olta Xhacka nuk do të ishte në zyrë duke shkruar hartime apo duke i dhënë tendera shokëve të burrit, por do të ishte shkarkuar dhe nën hetim!