Infektohet me koronavirus zv/presidenti i Barcelonës

Zv/presidenti i Barcelonës, Jordi Cardoner ka rezultuar pozitiv me koronavirus.

Nr.2 i klubit katalanas ndodhet në shtëpinë e tij i izoluar dhe po vazhdon të kurohet normalisht.

Ai është pjesëtari i tretë i klubit që infektohet me virusin COVID-19. Disa ditë më parë, u konfirmua se drejtori i Shërbimit Mjekësor të Barcelonës Ramon Kanal dhe mjeku i skuadrës Hoze Antoni Gutierrez ishin infektuar me koronavirus.

Kujtojmë që aktivitetet sportive në Spanjë janë shtyrë pa afat pasi qeveria vendosi vazhdimin e gjendjes së emergjencës.