Pritjes i erdhi fundit: publikohet sezoni i katër i 'La Casa de Papel'
Sot është publikuar sezoni i katërt i serialit të famshëm ‘La Casa de Papel’ në Netflix. Gjithsej do të jenë 8 episode dhe që të gjitha janë publikuar menjëherë.
Në një video të publikuar nga faqja zyrtare e La Casa de Papel janë bërë të ditur edhe titujt e 8 episodeve. Episodi i parë që do të hapi këtë sezon të katër titullohet ‘Loja mbaroi’.
Titujt e tetë episodeve janë: “Loja mbaroi”, “Dasma e Berlinit”, “Mësimi i Antonit”, “Pasodoble” , “5 minuta më herët”, “TKO”, “Goditni tendën” dhe “Plani i Parisit”.
Të gjitha episodet janë publikohen përnjëherë, ndërsa orari i publikimit në secilin shtet është bërë publik në atë video.
Në Kosovë adhuruesit e këtij seriali kanë patur mundësinë ta shohin atë në Netflix, pra sot në mëngjes nga ora 09:00.
Tri sezonet e para kanë qenë mjaft të suksesshme dhe të pëlqyer për publikun, me aktorët që mbajnë emrat e kryeqyteteve.
Kujtojmë se, njëra prej aktoreve të këtij seriali, Itziar Ituño, e njohur si inspektorja Rakel, së fundi ka konfirmuar se është prekur me koronavirus.
Për shkak të pandemisë, kishte dyshime nëse do të publikohej në kohën e paraparë ky serial, por organizatorët nuk e kanë shtyrë datën.