VIDEO/ Taulant Xhaka feston sot ditëlindjen, faqja e UEFA-s e uron me golin ndaj Izraelit
Sot është një ditë tepër e veçantë për futbollistin e kombëtares shqiptare, Taulant Xhaka.
Data 28 mars shënon ditëlindjen e mesfushorit të Bazelit. Kjo ditëlindje e gjenë ndryshe Xhakën, pasi vetëm disa ditë më parë ai u bë baba i një djali të quajtur, Klevis.
Urimet për të kanë qenë të shumta dhe së fundmi një surprizë për lojtarin ka ardhur edhe nga faqja e ‘UEFA EURO2020’, e cila i ka dedikuar një përshëndetje me rastin e datëlindjes.
Në të është postuar goli i shënuar nga mesfushori në ndeshjen e Ligës së Kombeve kundër Izraelit, një takim të cilin Shqipëria e fitoi me rezultatin 1-0, pikërisht falë realizimit të Xhakës.