VIDEO/ Jurgen Klopp përlotet nga mjekët që këndojnë himnin e Liverpoolit
Jurgen Klopp ka zbuluar se nuk i ka përmbajtur dot lotët kur pa pamjet e stafit të Shërbimi Shëndetësor Kombëtar (National Health Service) duke kënduar himnin e Liverpoolit “You’ll Never walk Alone” gjatë krizës së Koronavirusit.
Videoja e shpërndarë në mediat sociale nga deputetja e Punës, Mary Foy, tregon një numër profesionistësh të kujdesit shëndetësor, që u bashkuan në interpetimin e himnit të Liverpoolit.
Klopp nuk ka mundur t’i përmbajë emocionet për ata që luftojnë virusin në vijën e parë.
“Anglishtja ime nuk është aq e mirë për ta thënë. Është e jashtëzakonshme, e shkëlqyeshme. Dje, më dërguan një video të njerëzve në spital, jashtë zonës së kujdesit intensiv, dhe kur ata filluan të këndonin “You’ll Never Walk Alone”, fillova të qaja menjëherë. Ishte e pabesueshme, por tregon gjithçka. Këta njerëz jo vetëm që punojnë, por kanë një frymë kaq pozitive. Ata janë mësuar të ndihmojnë njerëzit e tjerë”.
Shumë klube të futbollit kanë shprehur falënderimet e tyre personale për ata që janë në vijën e parë për të luftuar virusin vrasës.
Klopp dhe “yjet” e tij të Liverpoolit dërguan një videomesazh të përzemërt për stafin mjekësor.
Emotional watching this. So much respect for NHS staff at the best of times, but at the moment, putting their lives on the line to protect us from this virus, wow! Total heroes. #YNWA #NHSHeroes pic.twitter.com/VJlA4WrsXO
— Mary K Foy (@marykfoy) March 26, 2020