Maqedonia-Daçiçit: Je frikacak, merresh me ne e jo me SHBA-në e Gjermaninë
Ministria e Jashtme e Maqedonisë, ka reaguar pas deklaratë së fundit të ministrit të Jashtëm të Serbisë, i cili tha se pse Maqedonia merr pjesë në shumë organizata ndërkombëtare nën referencën IRJM dhe jo nën emrin kushtetues.
Nga MPJ për agjencinë “Meta” thonë se ministri i Jashtëm serb, Ivica Daçiç, frikësohet që mllefin e tij shovinist ta drejtojë drejt fuqive të mëdha.
“Ta pyesim Daçiçin pse nuk sillet kështu me gjithë vendet që e kanë pranuar Kosovën, si SHBA-të, Gjermania, Britania e Madhe, miqtë tradicional Francën, Italinë dhe shtete tjera.
Ta pyesim se pse nuk bëjnë gjeste të njëjta me qindra vende të botës që e kanë pranuar Kosovën dhe pse me kolegët e gjithë këtyre vendeve realizojnë takime? Pse realizon takime me BE-në, ku mbi 80% e vendeve e kanë pranuar Kosovën?
Pse pikërisht para zgjedhjeve presidenciale në Serbi, iu kujtua Daçiçit të merret me shtete të vogla në Evropë, si Maqedonia dhe Mali i Zi?”, deklarojnë mes tjerash nga MPJ.