Koronavirusi/ Tri shenja që duhet të keni parasysh...
Njerëzit që preken nga koronavirusi mund të mos shfaqin simptoma të sëmundjes në një mesatare prej pesë ditësh- thuajse dy herë më shumë se ftohja e zakonshme, thuhet në një studim.
Gazeta Mirror thotë se ekspertët rekomandojnë që të mbahen parasysh tri shenja: kolla, temperatura e lartë dhe bllokimet në frymëmarrje.
Studimi i ri sugjeron se personat e prekur duhet të presin që të mos ndjehen mirë brenda 12 ditësh.
Në raste të rralla, periudha e inkubacionit zgjat edhe më shumë.
Shqipëria ka marrë disa masa për të ndaluar përhapjen e sëmundjes, e cila po përhapet me shpejtësi nëpër Europë.