Dashuria triumfon mbi Coronavirusin/ 89-vjeçari në karantinë, ja çfarë bën gruaja e tij
Gene Campbell, 89 vjeç, është një i moshuar i izoluar brenda Qendrës së Kujdesit të Jetës në Kirkland, në Washington, ku disa banorë kanë vdekur nga Coronavirusi.
Kjo nuk e ka ndaluar gruan e tij Dorothy, 88 vjeçe, të jetë pranë tij.
Dorothy, si të gjithë miqtë dhe familjarët e tjerë, e ka patur të ndaluar të vizitonte të shoqin, kështu që ajo shkoi në dritaren e tij, ku ata shikuan njëri-tjetrin.
Dorothy u pa në përpjekje të dëshpëruar për të komunikuar me burrin e saj të enjten, pasi qendra ndaloi vizitorët.
Gene, ishte i veshur me një fustan mjekësor dhe ishte afër dritares për të biseduar me gruan e tij.
Burri i moshuar u fotografua brenda institucionit ndërsa gruaja e tij prej 60 vitesh foli në celular në anën tjetër të xhamit.
‘Vizita’ u mundësua edhe falë djalit të të moshuarve i cili shoqëroi nënën.
Numri i vdekjeve në SHBA nga koronavirusi ka shkuar në 12 të enjten, ndërsa të infektuar janë mbi 200, të shpërndarë në 18 shtete.
Kolorado dhe Nevada raportuan rastet e tyre të para.
9 nga të vdekurit ishin nga i njëjti azil pleqsh në Seattle, mbi të cilin është hapur një hetim federal, kjo pasi familjarët e viktimave morën informacione kontradiktore për gjendjen e të dashurve të tyre.
Çifti Campbell:
Harta e shpërndarjes së Coronavirus në SHBA: