Palestinezët shpallin gjendjen e jashtëzakonshme për shkak të koronavirusit
Presidenti Palestinez Mahmoud Abbas deklaroi gjendjen e jashtëzakonshme 30-ditore të enjten, pasi rastet me koronavirus u raportuan në qytetin e Bethlehemit të Bregut Perëndimor.
Dekreti u njoftua nga Kryeministri Palestinez Mohamed Shtayyeh, disa orë pasi zyrtarët mbyllën Kishën e Lindjes së Betlehemit, vendet e lindjes tradicionale të Jezusit dhe ndaluan turistët e huaj nga hotelet e Bregut Perëndimor, raporton Reuters.
"Ne kemi vendosur të shpallim një gjendje të jashtëzakonshme në të gjitha zonat palestineze, për të përballuar rrezikun e koronavirusit dhe për të parandaluar përhapjen e tij," tha Shtayyeh, duke lexuar dekretin.
Shtayyeh tha që Abasi i kishte dhënë atij autoritetin e plotë për të mbikëqyrur zbatimin dhe se ai kishte vendosur në përputhje me rrethanat të mbyllte të gjitha shkollat, kolegjet dhe kopshtet dhe të anulojë rezervimet e huaja turistike.