'Jemi diku 50-100 shqiptarë'/ Studenti tregon situatën në Kinë pas shpërthimit të Koronavirusit

Studenti shqiptar Eno Kondi, i cili ndodhen në Pekin, ka shpjeguar për “Opinion” situatën e krijuar në shtetin aziatik pas shpërthimit të Koronavirusit.

Sipas tij, qeveria ka marrë masa të rrepta, ndërsa thekson se futja në karantinë dhe përdorimi i mjeteve mbrojtëse është me detyrim.

Ai shton më tej se, në Pekin aktualisht ndodhen mbi 50 qytetarë shqiptarë, ndërsa thekson se nuk mbajnë kontakte të përditshme me ambasadën shqiptare.

"Kam parë dhe lajme për punën e një proteste në Itali, por paska ndodhur dhe në Greqi e njerëzve që nuk duan të futen në karantinë. Kjo është e çuditshme, këtu është me detyrim futja në karantinë. Kjo është për të mirën qytetarë dhe të mirën globale, se këtu vinë njerëz nga e gjithë bota dhe njerëzit këtu ikin nëpër botë. Në Pekin për momentin jemi diku tek 50-100 ndoshta, ose dhe më pak, por rreth këtij numri. Me ambasadën shqiptare nuk kemi kontakt të përditshme, pasi kur nuk ke diçka urgjente nuk pse të kontaktojmë. Frika e qytetarëve shihet, masat janë marrë nga qeveria, njerëzit janë detyruar të mbajnë maska kur shkojnë në markete apo në institucione. Nëse në Pekin do të ketë 28 ditë me 0 raste atëherë do bëhet e mundur fillimi i punës normalisht. D.m.th rreth një muaj, që të quhet e kontrolluar situata, por përsëri do të ketë kontrolle me maska dizifektant, syze transparente. Ka moment nëse nuk punon në kolektiv, atëherë dhe mund të hiqen syzet apo dhe maskat", ka rrëfyer studenti për emisionin "Opinion".