‘Rritja e vdekshmërisë nga koronavirusi me 3.4% ‘, Donald Trump hedh poshtë deklaratën e OBSH-së
Presidenti Donald Trump hodhi poshtë deklaratën e OBSH-së duke thenë se niveli i vdekshmërisë nuk është 3.4% dhe sipas tij niveli i vdekshmërisë është 1%”.
“Epo, unë mendoj se 3.4% është një përqindje false,” tha Trump. “Tani, ky është vetëm mendimi im por duke u bazuar në ato çfarë kemi parë, shumë njerëz kanë arritur të shërohen.
Organizata Botërore e Shëndetësisë deklaroi para dy ditësh se shkalla globale e vdekshmërisë nga koronavirusi është rritur në 3.4% nga 2%.
“Në nivel global, rreth 3.4% e rasteve të raportuara me COVID-19 kanë vdekur,” tha të martën Drejtori i Përgjithshëm i OBSH-së Dr. Tedros Adhanom Ghebreyesus.
3.4% bazohet në të dhënat aktuale, dhe ekspertët besojnë se përqindja mund të ndryshojë.
Numri i personave të vdekur nga koronavirusi ka shkuar në 3.300 ndërsa raportohen mbi 95,000 raste në të gjithë botën.