VIDEO/ Helmimi masiv në gjimnazin e Fierit, reagon policia: Dyshojmë se ...
Policia e Fierit ka dhënë informacionet e para në lidhje me helmimin masiv në gjimnazin ‘Janaq Kilica’ në Fier.
Sipas të dhënave paraprake dyshohet se është përdorur sprajt piperi nga një nxënës i kësaj shkolle.
Policia Fier/Informacion paraprak
Sot rreth orës 11:10, në spitalin Rajonal Fier kanë shkuar për kontroll mjekësor disa nxënës të një shkolle të mesme që kanë pasur probleme me frymëmarrjen.
Menjëherë në vendngjarje kanë shkuar shërbimet e Policisë dhe grupi hetimor dhe nga veprimet e para të kryera në bashkëpunim të ngushtë me Prokurorinë Fier, Drejtorinë Arsimore dhe Drejtorinë e Shkollës, paraprakisht dyshohet se është përdorur sprajt piperi nga një nxënës i kësaj shkolle.
Grupi hetimor nën drejtimin e Prokurorisë vijon veprimet për të zbardhjen e plotë të kësaj ngjarje.