EMRI-FOTO/ Përplaset me kamionin, babai i dy fëmijëve humb jetën në aksident
Një shqiptar që po udhëtonte me makinën e tij, ka humbur jetën mëngjesin e sotëm pasi automjeti me të cilin udhëtonte u përplas me një kamion.
Ngjarja ndodhi në orët e para të ditës në zonën e La Seças.
Viktimë e këtij aksidenti të rëndë është Endri Zaimi, 25 vjeç.
Babai i dy fëmijëve ishte duke u kthyer në shtëpi pasi kishte qenë turni i natës në fabrikën ku punonte.
Mediat italiane shkruajnë se makina e tij tip Volvo u shkatërrua plotësisht për shkak të përplasjes së fortë me kamionin.
Menjëherë në vendngjarje ka shkuar grupi hetimor dhe policia që po hetojnë mbi rastin.