Koronavirusi merr emrin specifik/ OBSH emëron zyrtarisht virusin

Koronavirusi që ka vrarë më shumë se 1.000 njerëz është emëruar COVID-19.

Emri i tij u konfirmua nga Drejtori i Përgjithshëm i Organizatës Botërore të Shëndetit Tedros Adhanom Ghebreyesus, gjatë një përbledhje të përditshme të martën.

Duke diskutuar arsyet e vendimit, ai tha: "Ne duhej të gjenim një emër që nuk i referohej një lokacioni gjeografik, një kafshë, një individi ose një grupi njerëzish dhe i cili është gjithashtu i shqiptueshëm dhe lidhet me sëmundjen".

"Të kesh një emër ka rëndësi për të parandaluar përdorimin e emrave të tjerë që mund të jenë të pasakta ose stigmatizuese. Ai gjithashtu na jep një format standard për t'u përdorur për çdo shpërthim të ardhshëm të koronavirusit."

???? BREAKING ????

"We now have a name for the #2019nCoV disease:

COVID-19.

I’ll spell it: C-O-V-I-D hyphen one nine – COVID-19"

-@DrTedros #COVID19 pic.twitter.com/Kh0wx2qfzk

— World Health Organization (WHO) (@WHO) February 11, 2020

Numri i vdekjeve në Kinë tejkaloi 1.000 njerëz të martën ndërsa disa vende rritën përpjekjet për të përmirësuar liuftën ndaj virusit.

Shefi ekzekutiv i Hong Kongut Carrie Lam u kërkoi banorëve të qëndrojnë në shtëpi dhe të shmangin vendet e mbushura me njerëz.

Ndërkohë, Koreja e Jugut u bëri thirrje qytetarëve që të mos udhëtojnë në Japoni, Tajvan, Malajzi, Vietnam, Tajlandë dhe Singapor, sipas Agjencisë Lokale të Lajmeve Yonhap.

Virusi ka infektuar mbi 43,000 njerëz dhe numri i tij i vdekjeve tashmë ka tejkaluar atë të shpërthimit të SARS në 2003.

Në epiqendrën e shpërthimit në provincën Hubei, dy zyrtarë shëndetësorë u pushuan nga puna, thanë mediat shtetërore kineze. Masa vjen pas një proteste për trajtimin e shpërthimit.