Për shkaqe sigurie ndeshja Kosovë – Rusi do të luhet në një fushë neutrale
Organi më i lartë i futbollit evropian (UEFA) ka vendosur që për shkaqe sigurie ndeshja mes Kosovës dhe Rusisë për femra, e vlefshme për EURO 2021 të luhet në një fushë neutrale.
Në fakt, UEFA kishte vendosur që ndeshja të luhej në Prishtinë më 4 tetor 2019, por pas shtyrjes erdhi dhe vendimi i ri.
Sfida do të luhet në qytetin Wiesbaden në Gjermani, në stadiumin “Brita Arsena”.
Shtëpia e futbollit evropian e kishte konsideruar të pamundur zhvillimin e ndeshjes në Kosovë dhe për këtë arsye vendosi që ndeshja të zhvendosej në Gjermani.
Takimi do të luhet më 6 mars të këtij viti.
Fituesi i grupit dhe vendi i dytë do të shkojnë në fazën e “play-offit”.