Roma shfaqi interes për Shaqirin, Klopp i ‘mbyll derën’

Në këtë merkato dimërore asnjë lojtarë nuk do të largohet nga “Anfiled”

Sipas gazetarit të njohur italian, ekspertit të transferimeve, Gianluca Di Marzio, Roma është duke bërë të pamundurën që ta bindë Liverpoolin për Xherdan Shaqirin.

Megjithatë, Jurgen Klopp nuk e ka ndërmend ta lëshojë shqiptarin, të paktën jo në këtë merkato.

Ai ua ka bërë me dije të gjithëve, përfshirë edhe agjentit të Shaqirit, se të ndalojë së foluri apo negociuari sepse sipas tij, ‘asnjë lojtar s’do të largohet nga Liverpooli.

‘Redsat’ nuk e kanë fituar titullin që nga viti 1990 dhe Klopp kërkon të mbajë të njëjtën skuadër që kishte pjesën e parë të sezonit.