Pas Ramës edhe Gregu nis e hap ekspozita nëpër vende të Europës
Ekspozita e artit, "Fidem", e artistit të ri shqiptar Greg Rama, djali i kryeministrit shqiptar Edi Rama, është hapur në qytetin e Janinës.
Ekspozita u përurua pasditen e djeshme në qendrën kulturore "Dimitris Hatzis", shkruan "The National Herald", raporton Syri.net.
Sipas medias në fjalë, Rama Junior, me anë të dhjetëra shigjetave në pikturat e tij, shpreh ankthin dhe presionin e vendosur mbi njerëzit dhe artistin në shoqëri.
Greg Rama, në një prononcim për mediat greke shprehet se, këto shigjeta nuk janë vetëm fjalë por edhe mendime dhe kujtime të ngjarjeve të lumtura ose të sikletshme që shpojnë 'muret' që ndërtojmë gjatë jetës sonë dhe po përpiqen të na afrohen dhe depërtojnë në muret që kemi ndërtuar për të mbrojtur veten.