‘Flamurin e qëlluan pas shpine, po kthehej në shtëpi’
Katër shqiptarë humbën jetën brenda pak ditësh për shkak të dhunës mes bandave të drogës në Angli, raportojnë mediat britanike.
Vrasja më e bujshme ishte ajo e Flamur Beqirit, i njohur si producent muzikor.
Beqiri u vra në pragun e banesës së tij me vlerë 1.7 milionë sterlina, shkruan Daily Mail.
Atë e qëlluan në shpinë kur sapo ishte kthyer në shtëpi me të shoqen dhe djalin e vogël.
Sipas gazetës, vrasësi po e priste shqiptarin dhe qëlloi të paktën pesë herë.
E shoqja, Debora Krasniqi, e cila pa skenën e tmerrshme, u tha miqve se të shoqin e qëlluan nga pas.
Beqiri është vëllai i Misse Beqirit, një modele e njohur në Britani.
Ai mendohet se është vrarë për shkak të lidhjeve me trafikun e drogës në Suedi.
Vrasësi u arratis në këmbë. Policia po shqyrton kamerat e sigurisë për të identifikuar autorin.