Mourinho dëshiron Varanen, Tottenham përgatit mega-ofertën
Jose Mourinho duket se e ka bërë gati listën e lojtarëve që dëshiron tek skuadra e Tottenham.
Pas Gareth Bale, mediat angleze bëjnë më dije se trajneri portugez i ka kërkuar drejtuesve të klubit londinez blerjen e Rapahel Varane.
Sigurisht që drejtuesit nuk ia kanë bërë fjalën dysh dhe kanë përgatitur ofertën për mbrojtësin e Real Madrid. Sipas ‘Dailymail’ Spursat janë gati të ofrojnë rreth 73 milionë euro për lojtarin.
Mourinho ishte njeriu që kërkonte Varane edhe tek Real Madrid, në vitin 2011.
Portugezi e admiron lojtarin, pasi ka tentuar që me të të nënshkruajë edhe tek Manchester United, por nuk ia arriti.
Tani ai dëshiron që fituesin e Kupës së Botës ta afrojë tek skuadra e Tottenham, ku ka nisur aventurën e re.