Matthijs de Ligt i përgjigjet Frenkie de Jong për të ardhmen e tij
Frenkie De Jong dhe Matthijs De Ligt ishin kolonat kryesore në suksesin e Ajax një sezon më parë por fati e desh që të ndaheshin shumë shpejt, i pari zgjodhi Barcelonën ndërsa i dyti Juventusin.
Pak ditë më parë, De Jong bëri një deklaratë ku i thonte De Ligt që në të ardhmen t’i bashkohej Barcelonës.
Sigurisht që këto fjalë të Frenkiet meritonin dhe një përgjigje nga ana e futbollisti të Juventusit.Në një prononcim në faqen zyrtare të klubit bardhezi, mbrojtësi holandez u shpreh se ndjehej i lumtur në Torino dhe mendon që të qëndrojë gjatë.
"Ndihem shumë mirë në Torino, edhe pse është ndryshe nga Amsterdami. Jam shumë i lumtur këtu dhe shpresoj të qëndroj për shumë vite. Të jesh në një klub të tillë mund të të bëjë vetëm të ndjehesh i nderuar, " tha De Ligt.