VIDEO/ Barcelona pretendonte për penallti, dalin pamjet që vërtetojnë të kundërtën

Barcelona u ndal në barazim 2-2 në ndeshjen ndaj Real Sociedad në transfertë. Polemika të shumta u ngritën nga drejtuesit e Barcelonë të cilët pretendonin se gjyqtarët e sfidës nuk kishin dhënë një penallti në favor të tyre në fundin e ndeshjes.

Bëhet fjalë për rastin e Piques dhe drejtuesit e klubit katalanas mendonin se ndaj mbrojtësit ka patur një ndërhyrje të pastër dhe duhej të ishte dhënë penallti. Gjithashtu edhe mbrojtësi blaugran u pa të protestonte tek arbitri i takimit për këtë rast.

Mirëpo nga pamjet e dala ditën e sotme, shihet qartë momenti kur Pique i vendos dorën në shpatull kundërshtarit dhe e tërheq duke e detyruar që ai të rrëzohej e të merrte me vete dhe Piquen.

Estas imágenes no se han visto en España de como Piqué agarra a Llorente pic.twitter.com/GLWzErioU4

— vinivi (@vinividivinci_) December 15, 2019