ZYRTARE: Partizani shkarkon trajnerin, Lerda largohet pas humbjes në derbi

Klubi i Partizanit ka njoftuar ndërprerjen e bashkëpunimit me trajnerin, Franko Lerda.

Pas humbjes në derbi ndaj Tiranës, presidenti i të kuqve, Gazment Demi ka humbur durimin duke shkarkuar teknikun italian, shkruan SYRI.net.

Motivacioni është i ditur: Mungesa e rezultateve dhe kritikat e vazhdueshme të tifozëve kundër trajnerit.

Njoftimi i plotë i klubit të Partizanit:

Klubi i Futbollit Partizani njofton se Presidenti Gazment Demi ka mbyllur ditën e sotme bashkëpunimin me trajnerin Franko Lerda. Presidenti Demi i uron trajnerit Lerda suksese të mëtejshme në karrierën e tij sportive.