Njihuni me aktorët e serialit turk ‘Bija ime’, çfarë nuk dinit për ta
Seriali “Bija ime” me historinë e veçantë ka bërë për vete të gjithë publikun shqiptar.
Seriali flet për historinë e një vajze me emrin Ojky e cila vuan nga një sëmundje.
Personazhet kryesor të këtij seriali turk janë vogëlushja Ojky, babai i saj Demiri dhe Xhandan. Nuk mungojnë as personazhet negativ si Xhemali i cili kërkon të hakmerret ndaj Demirit.
Mirëpo ndonëse në serial nuk shkojnë mirë me njëri-tjetrin, në jetën reale të gjithë aktorët kanë një marrëdhënie shumë të mirë.
Më poshtë ju sjellim disa informacione për secilin prej aktorëve.
Beren Gokyildiz e cila luan rolin e Ojkyt është 10 vjeç dhe ka lindur në Stamboll.
Ajo e ka nisur aktrimin që në moshën 4-vjeçare.
Beren u bë e njohur në Shqipëri nga seriali “Nënë”.
Bugra Gulsoy i cili luan rolin e Demirit është 37 vjeç dhe ka lindur në Ankara.
Ai ka nisur të luajë në filma që në vitin 2004.
Bugra u bë i njohur në Shqipëri nga seriali “Kuzey Guney”.
Në jetën reale ai është i martuar dhe në prill të këtij viti u bë baba i një vogëlushi.
Leyla Lydia Tugutlu e cila luan rolin e Xhandanit është 30 vjeç dhe ka lindur në Gjermani.
Ajo ka fituar “Miss Turqia 2008” dhe më pas nisi karrierën si aktore.
Sa i përket jetës personale aktorja preferon të mos japë informacione.
Tugay Mercan i cili luan rolin e Ugurit është 36 vjeç.
Ai ka nisur aktrimin në vitin 2006 duke luajtur në teatër dhe më pas në filma e seriale.
Ai u bë shumë i njohur nga seriali “Kurrë mos u dorëzo” që është transmetuar dhe në Shqipëri.
Sinem Unsal e cila luan rolin e mësuese Sevgit është 26 vjeç.
Ajo e ka nisur vitet e fundit aktrimin dhe u bë e famshme nga seriali “Dashuri bardh e zi”.
Serhat Teoman i cili luan rolin e Xhemalit është 36 vjeç.
Ai është një nga aktorët më të famshëm turk dhe e ka nisur aktrimin në vitin 2003.
Ai ka luajtur në serialin “Kuzey Guney” dhe në serialin “Nënë”.
Deniz Ali Cankorur i cili luan rolin e Mertxhanit është 12 vjeç dhe një fëmijë shumë i famshëm në Turqi.
Ai ka marrë pjesë në reklama televizive dhe ka luajtur në disa seriale.
Eliz Nese Çagin e cila luan rolin e Ilajdës është 9 vjeç dhe ka lindur në Stamboll.
Ajo gjithashtu është shumë e njohur nga rolet në serialet turke. /revistawho.com