E turpshme në Shkup! Ultrasit maqedonas vijojnë me koret raciste: Shqiptari i mirë është shqiptari i vdekur
Shkëndija e Ernest Gjokës barazoi me rezultatin 2-2 në transfertë ndaj kryesuesve të Vardarit në “derbin” që prodhon gjithmonë polemika. Si në çdo sfidë, edhe kësaj here, nuk kanë munguar thirrjet raciste të tifogrupit të Vardarit “Komiti” ndaj shqiptarëve.
“Shqiptari i mirë është shqiptari i vdekur”, dëgjoheshin të brohorisnin maqedonasit në rrugët e qytetit gjatë marrëshimit për në stadium, si dhe brenda tij, shkruan Panorama Sport.
Pavarësisht tragjedisë së madhe që përjetoi Shqipëria për shkak të tërmetit ku humbën jetën 51 persona, kjo nuk i ka sensibilizuar aspak tifozët e Vardarit, të cilët janë nxitës të drejtpërdrejtë të urrejtjes.