Kryeprokurori i ri, vjen dorëheqja e parë
Olsian Çela është prezantuar sot në Prokurorinë e Përgjithshme, si drejtuesi i ri 7-vjeçar i këtij institucioni.
Por vetëm pak orë pas zyrtarizimit të Çelajt, ka ardhur edhe dorëheqja e parë nga institucioni qendror i akuzës.
Alketa Zifla ka dhënë dorëheqjen nga detyra si shefe e kabinetit në Prokurorinë e Përgjithshme.
Zifla ishte emëruar në këtë detyrë nga Arta Marku.
Kjo është dorëheqja e parë nga Prokuroria e Përgjithshme, pas zgjedhjes dje nga Kuvendi të Olsian Çelaj si kryeprokuror.