Fitoi me rezultat të thellë ndaj Shqipërisë U21, trajneri i Anglisë tregohet modest me deklaratë e tij: Na vutë në vështirësi

Pavarësisht rezultatit, trajneri i Anglisë U21, Endi Bothroid zgjodhi të shfaqej modest në fjalët e tij për RTSH.

Ndeshje e lehtë?

Nuk mendoj se ka ndeshje të lehtë. Edhe sot Shqipëria ishte e vështirë. Luftuan fort, dhe nuk na e bënë të lehtë, dhe na vunë në vështirësi. Në fund të ndeshjes, ne u bëmë më të fortë në fushë, dhe ata u dobësuan disi.

Kombëtarja e Shqipërisë?

Ka një trajner të mirë, është e organizuar mirë, dhe e vështirë të thyhet. Ne shënuam gola, por nuk ishte aq e thjeshtë. Rezultati me siguri nuk paraqet lojën e vërtetë që u zhvillua në fushë.