Aksident në autostradën Fier-Lushnje, makina përfundon në kanal. 3 të plagosur rëndë

Një aksident i rëndë është regjistruar pak minuta më parë në autostradën Fier-Lushnje, në vendin e quajtur rrethrrotullimi i Kolonjës.

Një makinë tip Mercedes Benz ka dalë jashtë rruge duke përfunduar në kanal.

Si pasojë e aksidentit, tre persona kanë mbetur të plagosur rëndë, raporton Syri.net.

Policia me të mbërritur në vendngjarje ka bllokuar aksin rrugor, ndërsa të plagosurit janë dërguar me urgjencë në spital.

Hetimet për zbardhjen e plotë të rrethanave të aksidentit vazhdojnë...