Ndodh edhe kjo në Itali, hajdutët vjedhin në qendrën stërvitore të Interit

Qendra stërvitore e Interit ka qenë në qendër të një sulmi nga hajdutët.

Ditët e fundit, e gjithë zona ku ndodhet ajo ka pasur probleme të tilla dhe janë raportuar mbi 20 raste vjedhjeje.

Siç bëjnë me dije mediat italiane, në shtëpinë zikaltër janë vjedhur korrëset e barit, pjesë të tjera që shërbejnë për mirëmbajtjen e fushës dhe ekspresi i kafes.

Hajdutët në fakt kanë përdorur një pjesë të qendrës stërvitore, e cila nuk frekuentohej shpesh dhe aty ishin vendosur veglat e mirëmbajtjes së fushës.