Tjetër tërmet lëkund Shqipërinë/ Ja ku ishte epiqendra dhe forca

Tjetër lëkundje tërmeti në vendin tonë.

Këtë herë epiqendra ka qenë 6 km në jugperëndim të qytetit të Bilishtit.

Sipas asaj që raporton IGJEUM, tërmeti ka patur magnitudë 3,1 ballë të shkallës rihter, ndërsa thellësia ka qenë 12,3 km.

Ndërkohë, lëkundjet janë ndjerë edhe në veri të Greqisë.

Prej disa muajsh, rajoni juglindor i vendit është përballur me një sërë lëkundjesh sizmike, por fatmirësisht pa shkaktuar dëme në njerëz.