Juventus merr një lajm të 'hidhur', futbollisti humbet sfidën ndaj Genoas

Përveç barazimit 1-1 në transfertë me Leccen, Juventusi ka marrë dhe një tjetër lajm të hidhur.

Miralem Pjanic, futbollisti i cili u dëmtua në pjesën e dytë të kësaj përballje do të humbasë ndeshjen ndaj Genoas.

Nga kampi bardhezi konfirmojnë se futbollisti ka probleme dhe se gjatë ditës së nesërme do t’u nënshtrohet ekzaminimeve të nevojshme për të përcaktuar shkallën e dëmtimit, por është thuajse e sigurt mungesa e tij në sfidën e mesjavës.

Natyrisht që kjo është një mungesë e rëndësishme për Sarrin, që sheh boshnjakun si njeriun “kyç” të lojës së tij, pasi siç është konfirmuar në këto javë të para, Pjanic është në qendër të çdo aksioni dhe prek më shumë topa se çdo futbollist i Juves.