Më parë seç e prisnim, Armina Mevlani vesh fustanin e nusërisë dhe nuk është aspak i zakonshëm
Koleksionin “Romance” të Livia Myftarit e mbylli një vajzë rock si Armina Mevlani. E brishtë në pamje, por jo tipike një vajzë që në ditën e saj më të rëndësishme, atë të martesës, do të zgjidhte fustanin stil princeshe. Sepse kjo s’mund të ishte Armina...
Armina zgjodhi një fustan që i përshtatej stilit, por edhe linjës së fustaneve të koleksionit “Bridal” të Livia Myftarit. Duke qenë se koleksioni i fustaneve të nusërisë është romantik, me linja të pastra, për ato nuse që e vlerësojnë thjeshtësinë, Armina kontribuoi me idetë e saj (që nuk gabojnë asnjëherë kur vjen puna tek moda).
Me nj? fustan modern, larg nuses tradicionale, Armina e dha shfaqen e parë si nuse (dhe e kaloi proven me sukses), përpara dasmës së vërtetë, që mezi e presin të gjithë.
Fustani i nusërisë ishte i ndarë në dy pjesë: Livia dhe Armina e menduan të tillë. Në pjesën e sipërme të ngjante me një xhakatë, ndërkohë në pjesën e poshtme nuk vinte aq serioz. I shkurtër dhe me tyle, Armina përfundimisht, edhe nuse di të jetë trendy, të veçojë nga të tjerat.
Me buzëqeshjen që nuk i largohet asnjëherë nga fytyra, Armina në sfilatën e vitit të Class By Alketa Vejsiu, na shoi një kureshtje që të gjithë e kemi: si do të duket ajo nuse.
Fashion blogerja, në fakt, përveç fustanit modern, edhe aksesorët që kishte zgjedhur ishin jashtë parashikimeve. Një nuse pa vello, ka kuptim?
Epo, Armina e kishte ndryshe. Mbi çadrën që mbante në duar, ishte velloja e nuses.
Në mbylljen e koleksionit “Romance” nga Livia Myftari, Armina tregoi se do të jetë një nuse rock, romantike, moderne, jashtë çdo parashikimi.
Ky fustan ishte prova e parë, për ditën e madhe të saj dhe Zenit, që pritet të vijë së shpejti. Ndërkohë që e presim atë ditë, shijoni Armina Mevlanin nuse në sfilatën e vitit. /Revista Class