VIDEO/ Djali i Reyes shënon gol për Real Madrid-in dhe ia dedikon babait të tij të ndierë

Një aksident rrugorë, 4 muaj më parë i mori jetën Jose Antonio Reyes-it. Ish- mesfushor i Real Madrid, Arsenal, Sevillias dhe kombëtares spanjolle.

Tani katër muaj pas asaj ngjarje tragjike, djali 11-vjeçar i Antonios, debutoi me Real Madrid në kategorinë Infantil B.

Djaloshi shënoi gol në këtë debutim duke ia kushtuar atë babait të tij të ndier.

Jeta e 11 vjeçarit ndryshoi rrënjësisht me vdekjen tragjike të babait, por nga dhimbja, ai nxori forcën e nevojshme për të provuar të fillojë karrierën e tij futbollistike pas gjurmëve të të atit, me shpresën se do të ringjall edhe një herë emrin Reyes në futboll .