PSG-ja shkëlqen edhe pa yjet, i jep ‘leksion’ Real Madridit
Paris Saint Germain e ka nisur mbarë sezonin e ri në Champions League.
Skuadra franceze fitoi me rezultatin 3-0 në “Parc de Prince” përballë Real Madridit që tregoi një nivel loje nën mesatare.
Dy golat e parë u shënuan nga Angel Di Maria (14’) dhe (33’), ndërsa skuadrës së Zidanes ishte VAR-i që ndërhyri dy herë për t'i anuluar golin fillimisht Gareth Bales dhe më pas Benzemas.
Për të mbyllur takimin mendoi Thomas Meunier i cili realizoi në minutën e 90’ duke i dhuruar në këtë mënyrë 3 pikë të arta skuadrës franceze.
PSG-ja në këtë takim ishte pa "yjet": Mbappe, Neymar dhe Cavani.