‘De Ligt duhej të shkonte te Bayern ose Barcelona’

Van der Vaart vazhdon të insistojë se De Ligt duhet të transferohej tek Bayern ose Barcelona.

Vetëm 19 vjeç, mbrojtësi holandez sezonin e kaluar kaloi një formë të shkëlqyer me Ajaxin duke u kualifikuar deri në gjysmëfinalen e Champions Leagues.

Së fundmi Van der Vaart sërish ka insistuar se talenti holandez nuk duhej të transferohej tek Juventusi pasi nuk mund të garojë me emrat e njohur si Chiellini dhe Bonucci.

“Do të kisha preferuar ta shikoj atë te Bayern Munich ose te Barcelona”, shtoi Van der Vaart.

“Ai ka vështirësi në këtë kohë dhe nuk është e lehtë të garosh me Giorgio Chiellini, madje edhe nëse është i lënduar, dhe Leonardo Bonucci. Por ai është shumë i talentuar”, tha ai.