Tirana zyrtarizon dyshen, Andi Lila - Kristi Vangjeli

Tirana ka zyrtarizuar nënshkrimin me Andi Lilën dhe Kristi Vangjelin.

Dy afrime me emër për trajnerin Mema, që pritet të sjellin eksperiencë në skuadrën bardheblu.

Njoftimi i plotë i klubit Tirana:

“Kristi Vangjeli dhe Andi Lila janë dy përforcimet e fundit të Tiranës për këtë merkato vere. Të dy lojtarët kanë nënshkruar dhe do të prezantohen nesër në stadium përpara tifozëve bardheblu.

Në orën 18:45, pak para ndeshjes Tirana - Teuta, të dy futbollistet do të vishen bardheblu për të marrë duartrokitjet e para.

Një arsye më shumë për ta mbushur nesër stadiumin.”