Coutinho flet për dështimin tek Barça: Nuk funksionuan gjërat...

Aventura e Philippe Coutinho te Bajerni ka filluar zyrtarisht sot.

Braziliani i ka thënë lamtumirë Barcelonës pas vetëm dy sezonesh, duke i dhënë fund kështu një eksperience të karakterizuar nga ulje dhe ngritje.

Fantazisti nuk ka arritur të gjejë vazhdimësi me fanellën e katalanasve dhe është kritikuar shpesh nga shtypi dhe tifozët. Gjatë prezantimi te bavarezët ai ka folur pikërisht për eksperiencën e tij te Barça.

 “Te Barcelona nuk kanë funksionuar gjërat siç shpresonim të gjithë, por e kaluara është e kaluara. Tani jam këtu dhe shpresoj të qëndroj për shumë vite”, ka thënë numri 10 i ri i Bayern-it.