VIDEO/ Producenti i njohur Timbaland shpreh interesim për ‘Vallen e Shotës’, do të bëjë këngë me muzikën e saj
Artistja shqiptare Enisa, është një ndër këngëtaret e cila po arrin majat e saj me sukseset e saj në botën e muzikës.
Ajo është shumë aktive në rrjetet e saj sociale ku poston foto dhe video të ndryshme si nga jeta profesionale po ashtu dhe private.
Së fundmi, ajo ka postuar një video duke kërcyer vallen e "Shotës", e cila ka marrë plot komente pozitive por më shumë vëmendje mori komenti i producentit të njohur botëror, Timbaland.
Në videon e saj ku shihet duke vallëzuar në një dasmë ajo ka shkruar:
"Ne shqiptarët nuk bëjmë “twerk”’, por e vallëzojmë “Shotën” oppaaa".
Por komenti i producentit botëror na ka lënë pa fjalë i cili ka shprehur interesimin për emrin e këngës sepse dëshiron që të bëjë një këngë të re e cila do të ketë motive të muzikës së valles së njohur shqiptare.
"Kjo është kënga për të cilën kisha nevojë"- ka shkruar Timbaland.
Enisa nuk ka nguruar për ti kthyer një përgjigje duke shkruar:
"Kjo është një këngë tradicionale Shqiptare e cila quhet vallja e Shotës... ti duhet të më fusësh dhe mua në atë këngë"- ka shkruar Enisa.