VIDEO/ Ministri i Ramës me gomone, shkel çdo ligj në Dhërmi

Ndërsa kërkojnë që populli të zbatojë rregullat dhe ligjet që ata miratojnë vetë, për vete i shkelin sa herë iu jepet mundësia.

Kështu ka bërë edhe ministri i Bujqësisë, Bledi Çuçi. Ndërsa ndodhej në Dhërmi ai ka vendosur të shkelë të gjitha ligjet dhe rregullat.

Për të kënaqur veten e tij dhe shpurën që e shoqëronte, Çuçi ka sjellë një gomone plazhin e Dhërmiut. Pasi ka kaluar barrierën e cila është vendosur për të mos kaluar mjetet lundruese, Çuçi me shpurën e tij kanë hipur në skaf.

Më i rëndë bëhet skandali, pasi Çuçin e shoqërojnë edhe dy policë, të cilët e sigurojnë që të ngjitet pa shqetësime.

Pamjet në video kanë ardhur si denoncim në redaksinë e SYRI.net.

Më poshtë keni denoncimin e plotë:

Video eshte filmuar ne Drimadhes. Nje skaf erdhi ne breg, aty ku lahen pushuesist duke kaluar kordonin qe i ve limit hyrjes se mjeteve lundruese. Skafi u fut aty ku lahen femijet. Ne breg e priste Ministri Cuci.

Sapo donte t'ia hipte bashke me shpuren e vet, i afrohen dy policë shteti. Policeve iu tha se behej fjale per nje Minister...ndaj ne djall rregullat, gjobat dhe rreziku qe i kanosej pushuesve qe notonin afer skafit. Pas nje debati te shkurter (sic shihet ne video) Ministri i hipi skafit, ia hoqi vete spirancen dhe u nis pa e rruajtur fare, ne sy te te gjitheve...duke e lene Policine e Shtetit te pafuqishme, duke bere sehir.

Gjeja qe te le pa fjale eshte se 50 metra me ne te djathte dhe 50 metra ne te majte ndodhen dy zona te posacme per zbarkimin e mjeteve lundruese. Por jo... ministri deshte me ia hip aty, mes komardareve te kalamajve, sepse dobesohej nga ecja. Vete dialogu mes policeve qe degjohet shume mire ne video, tregon se sa impotent eshte shteti, ne dhe rendi para individeve te tille. Ne burgosemi e gjobitemi per shkeljen me te vogel...

Pyetja kryesore dhe arsyeja pse nis kete video eshte: Po kur ben dhe Cuci si trim, cfare duhet te presim nga tjeret, nga mafia qe njohim mire?